ဒီတပတ်ရဲ့ ချန်ပီယံလိပ်အကောင်းဆုံး ၁၁ ယောက်လူစာရင်း

အင်တာမိုင်ယာမီအသင်းနဲ့အတူ မက်ဆီရရှိခဲ့တဲ့ ဆုဖလားအောင်မြင်မှု့များ

အာဂျင်တီးနားစူပါစတား လီယွန်နယ်မက်ဆီ (Leo Messi)ဟာ ယခုဘောလုံးရာသီမှာလည်း အင်တာမိုင်ယာမီအသင်းနဲ့အတူ မေဂျာလိဂ်မှာ ဆုဖလားသုံးဆုကို တစ်ပြိုင်နက်တည်း ဆွတ်ခူးရရှိခဲ့ပါတယ်။မက်ဆီမရောက်ခင် အမှတ်ပေးဖလားတစ်ခါမှမရဖူးခဲ့တဲ့ မိုင်ယာမီဟာ ယခုချိန်မှာတော့ မက်ဆီရဲ့ အရှိန်အဝါတွေနဲ့အတူ အမှတ်ပေးဖလား ဆွတ်ခူးနိုင်ခဲ့တာတွေ့ရပါတယ်။ 🥇 အင်တာမိုင်ယာမီအသင်းနဲ့အတူ မက်ဆီရရှိခဲ့တဲ့ဆုများ _ Golden Boot _ ရွှေဖိနပ်ဆု (ဂိုးအများဆုံး သွင်းသူ) MLS Cup _ MLS ဖလား (အမေရိကန် မေဂျာလိဂ်ဖလား) MLS MVP _ MLS ရဲ့ တန်ဖိုးအရှိဆုံး ကစားသမားဆု

ဇီဒန်းကို နည်းပြနေရာအတွက် တစ်ပါတ်တစ်ဦးစားပေးသတ်မှတ်လိုက်တဲ့ ရီးယဲလ်မက်ဒရစ်

ရီးယဲလ်မက်ဒရစ်အသင်းကတော့ လက်ရှိနည်းပြ ရှာဘီအလွန်ဆို (Xabi Alonso) ကို ရာထူးကနေထုတ်ပယ်ဖို့ဆုံးဖြတ်ပြီး နည်းပြ အပြောင်းအလဲ ပြုလုပ်ပါက၊ ကလပ်ရဲ့ နံပါတ်တစ်ဦးစားပေး ပစ်မှတ်ဟာ ဂန္ထဝင်နည်းပြ ဇီနဒင်းဇီဒန်း (Zinedine Zidane) ဖြစ်တယ်လို့ နောက်ဆုံးReport တွေက ဖော်ပြလာခဲ့ပါပြီ။ ရီးယဲလ်မက်ဒရစ်အသင်းဟာ နောက်ဆုံးကစားခဲ့တဲ့ ၈ ပွဲမှာ တစ်ပွဲသာ အနိုင်ရထားတာကြောင့် နည်းပြအလွန်ဆိုအပေါ် ဖိအားတွေ ကျရောက်နေပြီး ကစားသမားတွေနဲ့လည်း အဆင်မပြေဖြစ်နေတာပါ။ ဇီဒန်းကတော့ ရီးယဲလ်မက်ဒရစ်အသင်းကို အောင်မြင်မှုတွေ ရယူပေးခဲ့တဲ့ သက်သေပြပြီးသား ပုဂ္ဂိုလ်ဖြစ်ဖြစ်ပြီး ဇီဒန်းကို ပြန်လည် ခန့်အပ်ခြင်းက ရလဒ်တွေဆိုရွားနေတဲ့အသင်းကို တည်ငြိမ်အောင် ပြန်လည်ထိန်းချုပ်နိုင်မယ်လို့ ကလပ်အသင်းဘက်က ယူဆထားတာလည်းဖြစ်ပါတယ်။ ဇီဒန်ကတော့ ပြင်သစ်အသင်းကို ကမ္ဘာ့ဖလားအပြီးမှာ ကိုင်တွယ်သွားမှာလို့လည်း သတင်းတွေထွက်ပေါ်နေတာပါ။ ရှာဘီအလွန်ဆိုကို နည်းပြရာထူးကနေ ထုတ်ပယ်မယ့်ဆုံးဖြတ်ချက်ကို တရားဝင် မကြေညာသေးပေမယ့်လည်း၊ ရီးယဲလ်မက်ဒရစ်အသင်းရဲ့ ပြဿနာတွေနဲ့ ရလဒ်ဆိုးတွေကြောင့် ဇီဒန်းအနေနဲ့လည်း သူ့ရဲ့ အသင်းကို ပြန်လည်းကိုင်တွယ်သွားမလားဆိုတာတော့ အတော်လေးကို စိတ်ဝင်စားဖို့ကောင်းလာပြီလည်း ဖြစ်ပါတယ်။ (Source: @SkySportDE)

ဝါတန်ကို ယူရိုသန်း ၁၀၀ နဲ့ ကမ်းလှမ်းဖို့ ပြင်ဆင်လာတဲ့ ယူနိုက်တက်

မန်ချက်စတာယူနိုက်တက်အသင်းကတော့ လာမည့်ဇန်နဝါရီလ အပြောင်းအရွှေ့မှာ ခရစ္စတယ်ပဲလေ့စ်ကွင်းလယ်လူ အဒမ် ဝါတန် (Adam Wharton) ကို အသင်းရဲ့ နံပါတ် (၁) ကွင်းလယ်ပစ်မှတ် အဖြစ် သတ်မှတ်ထားတယ်လို့လည်း သိရပါတယ်။ ယူနိုက်တက်ဟာ အသက် ၂၀ နှစ်အရွယ် ဝါတန်ကို ခေါ်ယူရန်အတွက် ယူရို သန်း ၁၀၀ (€100M)နဲ့ ကမ်းလှမ်းဖို့ အသင့်ရှိနေတာပါ။ နည်းပြရူဘင်အမိုရမ် (Ruben Amorim)ရဲ့ အသင်းကတော့ အသက်ရွယ်ရလာတဲ့ကွင်းလယ်ကစားသမာ‌တွေနေရာ အစားထို့ဖို့အတွက် မဖြစ်မနေလို့အပ်နေတာလည်းဖြစ်ပါတယ်။ ဝါတန်ကိုတော့ လက်ပရီးမီးယားလိဂ်ကလပ်အသင်းကြီးတွေဖြစ်ကြတဲ့ ချဲလ်ဆီး၊ မန်ချက်စတာစီးတီး၊ရီးယဲလ်မက်ဒရစ်နဲ့ လီဗာပူးလ်တို့လို အသင်းကြီးတွေကလည်း ခေါ်ယူဖို့ စိတ်ဝင်စားနေကြတာပါ။ ယူနိုက်တက်အသင်းရဲ့ ယူရို သန်း ၁၀၀ ကမ်းလှမ်းမှုဟာ ပြိုင်ဘက်အသင်းတွေကို ကျော်လွန်ပြီး ဝါတန်ကို အရခေါ်ယူနိုင်မလားဆိုတာတော့ စိတ်ဝင်စားဖွယ် စောင့်ကြည့်သွားရတော့မှာလည်း ဖြစ်ပါတယ်။ (Source: Fichajes)

မိုင်နူးကို ဆက်လက်စိတ်ဝင်စားနေဆဲဖြစ်တဲ့ နာပိုလီအသင်း

အီတလီစီးရီးအေကလပ် နာပိုလီ (Napoli) အသင်းကလည်း မန်ချက်စတာယူနိုက်တက်ကွင်းလယ်လူ ကိုဘီမိုင်နူး(Kobbie Mainoo)ကို စိတ်ဝင်စားနေတဲ့ ကလပ်၁၀ သင်းထဲမှာ ဆက်လက် ပါဝင်နေဆဲဖြစ်တယ်လို့လည်း သိရပါတယ်။ နာပိုလီအသင်းဟာ ဩဂုတ်လကတည်းက မိုင်နူးရဲ့ အခြေအနေကို အနီးကပ်စောင့်ကြည့်နေတယ်လို့ သိရပြီး ဒီအပြောင်းအရွေ့ဟာ မန်ချက်စတာယူနိုက်တက်ရဲ့ ဆုံးဖြတ်ချက်အပေါ်မှာသာ မူတည်နေတာလည်းဖြစ်ပါတယ်။ နည်းပြ ရူဘင်အမိုရမ် (Amorim)အနေနဲ့ လက်ရှိကစားသမားအများအပြားဟာ အာဖရိကဖလား (AFCON) ပြိုင်ပွဲကို သွားရောက်နေချိန်ဖြစ်တာကြောင့် ဒီအချိန်မှာမိုင်နူးကို ပွဲထွက်ခွင့်ပေးမလား စောင့်ကြည့်ရမှာပါ။ ဘိုင်ယန်မြူးနစ်ကလည်း မိုင်နူးကို ဇန်နဝါရီမှာခေါ်ယူဖို့ ဖိအားပေးနေတယ်ဆိုတဲ့သတင်းတွေ ထွက်ပေါ်နေချိန်မှာ နာပိုလီကလည်း ရေရှည်ပစ်မှတ်အဖြစ် မိုင်နူးကို ဆက်လက်စောင့်ကြည့်နေတာလည်းဖြစ်ပါတယ်။ (Source : Fabrizio Romano )

ကျွန်တော့်ရဲ့အိမ်မက်တစ်ခုအတိုင်း မက်ဒရစ်မှာ အမှန်တကယ်ရှင်သန်နေတာပါ

"အင်္ဂလန်ကနေ ထွက်ပေါ်နေတဲ့ ဆူညံသံတွေလား? ဒါကဘဝပါပဲ။ ဒါက ကျွန်တော်လက်ခံခဲ့တဲ့ ကိစ္စပါ။ ကျွန်တော်ဟာ ကမ္ဘာ့အကြီးဆုံးနဲ့အကောင်းဆုံးကလပ်အတွက် ကစားပေးနေတာပါ။" "ကျွန်တော့်အိပ်မက်တစ်ခုကို အမှန်တကယ် ရှင်သန်နေတာပါ။ လူတော်တော်များများဟာ ကျွန်တော်ရှိနေတဲ့ အနေအထားမှာ ရှိချင်ကြပါတယ်။ ဒါပေမဲ့ အဲဒီအနေအထားနဲ့အတူ အပျက်သဘောဆောင်တဲ့ လူအချို့လည်း ပါလာတတ်ပါတယ်။" "ပရိသတ်တွေက ကျွန်တော်တို့ကိုအားပေးဖို့ ပိုက်ဆံအများကြီး သုံးစွဲရပါတယ်၊ သူတို့ရဲ့ ဝေဖန်မှုတွေကို ကျွန်တော်နားလည်ထားပါတယ် ကျွန်တော်တို့ဟာ သူတို့အတွက် ပိုပြီးတော့ အများကြီး ကောင်းအောင် လုပ်ဆောင်ဖို့လိုပါတယ်။" ဂျူဒ်ဘယ်လင်ဂမ် (ရီးယဲလ်မက်ဒရစ် ကွင်းလယ်ကစားသမား)

ကွင်းလယ်ဗိုလ်ချုပ်(သို့မဟုတ်) 'ဗိသုကာပညာရှင်' - အန်ဒရီယာ ပီယာလို

ဘောလုံးကွင်းထဲမှာ ကစားသမားတိုင်းဟာ အပြေးအလွှား၊ အားအင်တွေနဲ့ ယှဉ်ပြိုင်နေကြချိန်မှာ ဘောလုံးကို ညင်"သာ" လှုပ်ရှားနေရင်း ပွဲရဲ့ အရှိန်အဟုန် (Tempo) ကို လိုသလို ထိန်းချုပ်နိုင်သူတစ်ဦး ရှိခဲ့ပါတယ်။ သူဟာ ဘောလုံးကို ဦးနှောက်နဲ့ ကစားပြီး မြက်ခင်းစိမ်းပေါ်မှာ အနုပညာဖန်တီးသူ တစ်ဦးလိုပဲ သတ်မှတ်ခံခဲ့ရသူပါ။ သူကတော့ အီတလီ ဂန္ထဝင်ကွင်းလယ်လူ အန်ဒရီယာ ပီယာလို (Andrea Pirlo) ပဲ ဖြစ်ပါတယ်။ 'ဗိသုကာပညာရှင်' (The Architect) တစ်ဦး ပီယာလိုဟာ သူ့ရဲ့ ထူးခြားတဲ့ ကစားဟန်၊ ဉာဏ်ရည်ဉာဏ်သွေး မြင့်မားတဲ့ နည်းစနစ်ကျ ကစားပုံတွေကြောင့် ဘောလုံးသမိုင်းတစ်လျှောက် အကောင်းဆုံး ကွင်းလယ်လူများထဲက တစ်ဦးအဖြစ် သတ်မှတ်ခံထားရပါတယ်။ သူ့ကို ပရိသတ်တွေက 'ဗိသုကာပညာရှင်' (The Architect)လို့လည်း တင်စားခေါ်ဝေါ်ကြပါတယ်။ ဒီလို နာမည်ရတာဟာ ကွင်းထဲက ကစားကွက်ကြီးကို သူက စိတ်ကြိုက်ပုံဖော်တယ်၊ ဒီဇိုင်းဆွဲပြီး လိုအပ်တဲ့ အစိတ်အပိုင်းတွေကို အချိန်ကိုက် ဖြည့်တင်းပေးနိုင်တာကြောင့်ပဲ ဖြစ်ပါတယ်။ Regista - ကွင်းလယ်ရဲ့ ဒါရိုက်တာ ပီယာလိုရဲ့ ကစားဟန်ဟာ အခြားသော ကွင်းလယ်လူတွေနဲ့မတူဘဲ ထူးခြားပါတယ်။ သူဟာ အသင်းရဲ့ ကစားကွက်ကို နောက်တန်းနဲ့ ကွင်းလယ်ကြား၊အဓိကနေရာကနေ စတင်ဖန်တီးလေ့ရှိပါတယ်။ ဒီအခန်းကဏ္ဍကို အီတလီလို "Regista" (ဒါရိုက်တာ) လို့ခေါ်ပြီး၊ 'Deep-Lying Playmaker' အဖြစ် သတ်မှတ်ခံခဲ့ရတဲ့ ပီယာလိုဟာ ဒီနေရာမှာ ကမ္ဘာ့အကောင်းဆုံး ကစားသမားတစ်ဦး ဖြစ်ခဲ့ပါတယ်။ သူဟာ ကွင်းလယ်ဗိုလ်ချုပ်တစ်ဦးလိုပဲ... ကွင်းလယ်ကနေ တစ်ဖက်အသင်းရဲ့ ခံစစ်ကို ကျော်လွန်ပြီး မီတာ ၅၀၊ ၆၀ အကွာအဝေးထိ ရှိတဲ့ Long Pass တွေကို တိကျစွာ ပေးပို့နိုင်စွမ်း ရှိပါတယ်။ ဒီလို ပေးပို့မှုတွေကြောင့် အသင်းရဲ့ တိုက်စစ်မှူးတွေဟာ အခွင့်အရေး အများအပြား ရရှိခဲ့ပြီး အလွယ်တကူ ဂိုးသွင်းယူနိုင်ခဲ့ကြပါတယ်။ ပီယာလိုဟာ ကွင်းထဲမှာ တခြားသူတွေလို လျင်မြန်စွာ မလှုပ်ရှားပေမယ့်၊ သူ့ရဲ့ ဦးနှောက် နဲ့ ကစားကွက်ကို အနုပညာဆန်ဆန် လွှမ်းမိုးသွားတာဟာ ကြည့်ရသူ ပရိသတ်တွေအတွက် အမြဲတမ်း ကြည်နူးစရာ မြင်ကွင်းဖြစ်ခဲ့ပါတယ်။ သမိုင်းဝင် အောင်မြင်မှုမှတ်တမ်းများ ပီယာလိုရဲ့ ဘောလုံးသမားဘဝ အောင်မြင်မှုတွေကလည်း လေးစားစရာပါ။ ၁၉၉၅ ခုနှစ်တွင် ဘရက်ရှား အသင်းမှ စတင်ခဲ့ပြီး၊ အင်တာမီလန် သို့ ပြောင်းရွှေ့ခဲ့သော်လည်း အင်တာမှာ နေရာမရခဲ့ပါဘူး။ ၂၀၀၁ ခုနှစ်မှာတော့ အေစီမီလန်ကို ရောက်ရှိခဲ့ပြီး (၁၀) နှစ်ကြာ ကစားခဲ့ရာမှာ ချန်ပီယံလိဂ်ဖလား နှစ်ကြိမ် အပါအဝင် ဆုဖလားများစွာ ရယူခဲ့ပါတယ်။ ၂၀၁၁ ခုနှစ်မှာတော့ ပြိုင်ဘက်ကလပ် ဂျူဗင်တပ်စ်ကို ပြောင်းရွှေ့ပြီးနောက် စီးရီးအေဖလားကို လေးကြိမ်ဆက်တိုက် ဆွတ်ခူးနိုင်ခဲ့တဲ့အထိ အောင်မြင်မှုတွေ ဆက်တိုက်ယူဆောင်ပေးခဲ့ပါတယ်။ အီတလီလက်ရွေးစင်အသင်းရဲ့ အဓိက ကွင်းလယ်လူအဖြစ်လည်း ပါဝင်ခဲ့ပြီး ၂၀၀၆ ကမ္ဘာ့ဖလားကြီးကိုပါ ဆွတ်ခူးနိုင်ခဲ့ပါတယ်။ ဖရီးကစ်နှင့် Knuckleball ရဲ့ အရှင်သခင် ပီယာလိုဟာ ကွင်းလယ်ဗိုလ်ချုပ်တစ်ဦးအဖြစ်သာမက ဖရီးကစ် ကန်သွင်းမှု့ တွေမှာလည်း အလွန်ထူးချွန်သူပါ။ သူ့ရဲ့ ဖရီးကစ် ကန်သွင်းဟန်ဟာ လှပပြီး ထူးခြားတဲ့ 'Knuckleball' လို့ခေါ်တဲ့ ဘောလုံးကွေ့ကောက်သွားတဲ့ ကန်သွင်းပုံစံကို အသုံးပြုလေ့ရှိပါတယ်။ ဒီလို ကန်သွင်းမှုတွေကြောင့် ဂိုးသမားတွေ ခန့်မှန်းရခက်ပြီး၊ အဝေးကနေ ဂိုးသွင်းယူနိုင်စွမ်း ဟာလည်း အံ့မခန်းစရာပါပဲ။ ပီယာလိုရဲ့ ကစားဟန်ဟာ ခေတ်သစ်ဘောလုံးလောကမှာ တဖြည်းဖြည်း ပျောက်ကွယ်နေတဲ့ စတိုင်မျိုးပါ။ သူဟာ ဘောလုံးကို ရုပ်ပိုင်းဆိုင်ရာ အားအင်ထက် ဦးနှောက်ဉာဏ်နဲ့ အနုပညာဆန်ဆန် ကစားပြခဲ့သူပါ။ ဒါကြောင့်လည်း ဘောလုံးပရိသတ်တွေဟာ ကွင်းလယ်ဗိုလ်ချုပ်ကြီး ပီယာလိုရဲ့ ခြေလှမ်းတွေကို အမြဲတမ်း သတိရနေကြမှာပဲဖြစ်ပါတယ်လို့ တင်ပြလိုက်ရပါတယ်။

၂၀၂၆ ကမ္ဘာ့ဖလားဝင်ခွင့်ရ ၄၂သင်းနဲ့ Play Off ကစားရမယ့် အသင်းများ

၂၀၂၆ ခုနှစ်မှာကျင်းပမယ့် ကမ္ဘာ့ဖလား (World Cup) ဘောလုံးပြိုင်ပွဲကြီးအတွက် ခြေစစ်ပွဲကိုအောင်မြင်စွာဖြတ်ကျော်ပြီး ဝင်ခွင့်ရရှိပြီးတဲ့ နိုင်ငံအသင်း ၄၂သင်းရဲ့ စာရင်းကို ဖော်ပြပေးလိုက်ပါတယ်။ ✅ ကမ္ဘာ့ဖလားဝင်ခွင့်ရ အသင်းတွေရဲ့ (Qualified Teams) တိုက်ကြီးနဲ့နိုင်ငံအသင်းများ_ မြောက်အမေရိကတိုက်က (CONCACAF) _ ၃ သင်း ကနေဒါ (Canada) မက္ကဆီကို (Mexico) အမေရိကန် (United States) အာရှတိုက်က (AFC)_၈ သင်း ဂျပန် (Japan) နယူးဇီလန် (New Zealand) အီရန် (Iran) ဥဇဘက်ကစ္စတန် (Uzbekistan) တောင်ကိုရီးယား (South Korea) ဂျော်ဒန် (Jordan) သြစတြေးလျ (Australia) ကာတာ (Qatar) တောင်အမေရိကတိုက်က (CONMEBOL)_ ၆သင်း အာဂျင်တီးနား (Argentina) ဘရာဇီးလ် (Brazil) အီကွေဒေါ (Ecuador) ဥရုဂွေး (Uruguay) ပါရာဂွေး (Paraguay) ကိုလံဘီယာ (Colombia) အာဖရိကတိုက် (CAF)_၉သင်း မော်ရိုကို (Morocco) တူနီးရှား (Tunisia) အီဂျစ် (Egypt) အယ်လ်ဂျီးရီးယား (Algeria) ဂါနာ (Ghana) ကိပ်ဗာဒီ (Cape Verde) တောင်အာဖရိက (South Africa) အိုင်ဗရီကို့စ် (Ivory Coast) ဆီနီဂေါ (Senegal) ဥရောပတိုက် (UEFA)_၁၂ သင်း အင်္ဂလန် (England) ပြင်သစ် (France) ခရိုအေးရှား (Croatia) ပေါ်တူဂီ (Portugal) နော်ဝေ (Norway) ဂျာမနီ (Germany) သြစတြီးယား(Austria) နယ်သာလန်(Netherlands) ပေါ်တူဂီ (Portugal) စပိန်(Spain) စကော့တလန် (Scotland) ဆွတ်ဇာလန်(Switzerland) Concacaf _၃ သင်း ကူရာဆောင်း (Curaçao) ဟေတီ (Haiti) ပနားမား (Panama) အိုရှန်းနီးယာ(Oceania) တစ်သင်း : နယူးဇီလန် (New Zealand) ဒီအသင်းတွေဟာ ၂၀၂၆ ကမ္ဘာ့ဖလား ပြိုင်ပွဲကြီးကို နောက်ဆုံးအဆင့် တက်ရောက်ခွင့် သေချာစွာ ရယူထားနိုင်ခဲ့တဲ့ ၄၂ အသင်းလည်းဖြစ်ပါတယ်။ 🔢ကျန်ရှိသော နေရာများနှင့် Play-off ပွဲများ ကမ္ဘာ့ဖလားပြိုင်ပွဲအတွက် ဝင်ခွင့် ၆ နေရာသာ ကျန်ရှိတော့ပြီး၊ ဥရောပရဲ့ နောက်ဆုံး ၄ နေရာနှင့် တိုက်ကြီးတွေကြား Play-off ကနေ ၂ နေရာအတွက် ပြိုင်ဆိုင်မှု့တွေ ဆက်လက် ရှိနေအုံးမှာလည်းဖြစ်ပါတယ်. ဥရောပ Play-off: ဒုတိယနေရာ ရရှိသူများ (Nations League မှ ထိပ်ဆုံး ၄ သင်း)ဟာ ၂၀၂၆ ခုနှစ် မတ်လမှာ ကျင်းပမည့် Play-offကနေ ဥရောပရဲ့ နောက်ဆုံး ၄ နေရာအတွက် ယှဉ်ပြိုင်ရမှာဖြစ်ပါတယ်။ တိုက်ကြီးတွေရဲ့ Play-off (၂ နေရာ): ဘိုလီဗီးယား၊ ဒီမိုကရက်တစ် ကွန်ဂို၊ အီရတ်၊ ဂျမေကာ၊ နယူး ကယ်လီဒိုးနီးယားနှင့် ဆူရီနမ် တို့၆သင်းကတော့ နောက်ဆုံး ၂ နေရာအတွက် ယှဉ်ပြိုင်ကြရဦးမှာလည်းဖြစ်ပါတယ်။

စည်းကမ်းတွေနဲ့ ပရီးမီးယာလိပ်ပွဲစဥ်တွေ ကြည့်ရှု့နေရတဲ့ မြောက်ကိုရီးယားနိုင်ငံ

မြောက်ကိုရီးယားခေါင်းဆောင် ကင်ဂျုံအန်း (Kim Jong-un)ကတော့ သူ့ရဲ့ နိုင်ငံအတွင်းမှာ ပရီးမီးယားလိဂ် (Premier League) ဘောလုံးပွဲစဥ်တွေကို ထုတ်လွှင့်ပြသရန် သဘောတူညီခဲ့ပေမယ့်လည်း တင်းကြပ်လွန်းတဲ့ စည်းကမ်းသတ်မှတ်ချက်တွေအောက်မှာသာ ခွင့်ပြုပေးသွားမည်ဖြစ်ကြောင့်သိရရှိပါတယ်။ 📺 ထုတ်လွှင့်မှုဆိုင်ရာ အဓိကစည်းကမ်းများ မြောက်ကိုရီးယား ပြည်သူတွေဟာ ပရီးမီးယားလိဂ်ပွဲတွေကို ပုံမှန်အတိုင်း ကြည့်ရှုနိုင်မည် မဟုတ်ဘဲ၊ ပြုပြင်တည်းဖြတ်ပြီးမှသာ ကြည့်ရှုနိုင်မှာဖြစ်ပါတယ်။ တိုက်ရိုက် ထုတ်လွှင့်ခြင်း မပြုရ : ဘောလုံးပွဲစဉ်တွေကို တိုက်ရိုက်ထုတ်လွှင့်ခွင့် ပေးမည် မဟုတ် ဘဲ၊ ထုတ်လွှင့်ပြသခြင်း မပြုမီ ပြန်လည် တည်းဖြတ်ခြင်း (re-edited) ပြုလုပ်ရမည်။ ပွဲချိန် လျှော့ချခြင်း : ပွဲစဉ်တစ်ပွဲရဲ့ ပုံမှန်မိနစ် ၉၀ ပွဲချိန်အစား မိနစ် ၆၀အထိ လျှော့ချ ထုတ်လွှင့် ရမည်။ ✂️ အာရုံခံစားမှုဆိုင်ရာ ဖြတ်တောက်မှုများ မြောက်ကိုရီးယားရဲ့ နိုင်ငံရေးနှင့်လူမှုရေး စံနှုန်းတွေနှင့် ကိုက်ညီစေရန်အတွက် အောက်ပါ အချက်တွေကိုလည်း တင်းတင်းကျပ်ကျပ် တည်းဖြတ်ရမယ်လို့လည်းဆိုခဲ့ပါတယ်။ အင်္ဂလိပ်စာသားတွေ ဖုံးအုပ်ခြင်း : ကစားကွင်းအတွင်း မြင်တွေ့ရမယ့် အင်္ဂလိပ်စာသားတွေအားလုံး ကို မြောက်ကိုရီးယား ဂရပ်ဖစ်တွေနဲ့ ဖုံးအုပ် ထားရမည်။ တောင်ကိုရီးယား ကစားသမားတွေ ဖယ်ရှားခြင်း : ပွဲစဉ်ထဲမှာ တောင်ကိုရီးယား (South Korean) ကစားသမားတွေ ပါဝင်တဲ့ ပုံရိပ်တွေ၊ မြင်ကွင်းတွေ အားလုံးကို လုံးဝ ဖယ်ရှားရမည်။ ဖယ်ရှားရမည့် ကစားသမားများမှာ- ဘရန့်ဖို့ဒ် (Brentford) အသင်းမှ ကင်မ် ဂျီဆူး (Kim Ji-soo)နဲ့ ဝုလ်ဗ် (Wolves)အသင်းမှ ဟွမ်းမ် ဟီးချန် (Hwang Hee-chan) တို့ပဲဖြစ်ပါတယ်။ LGBTQ+ သင်္ကေတများ ဖယ်ရှားခြင်း: LGBTQ+ သင်္ကေတတွေ ပြသနေတဲ့ မြင်ကွင်းများ၊ အမှတ်အသားများ အားလုံးကိုလည်း တည်းဖြတ် ဖယ်ရှားရမည်။ ဆိုတဲ့ စည်းကမ်းချက်တွေ အောက်မှာသာ ထုတ်လွင့်ပြသသွားရမှာဖြစ်ပါတယ်။ ယခုလိုတင်းကြပ်တဲ့ ကန့်သတ်ချက်တွေအောက်မှာ မြောက်ကိုရီးယား ပရိသတ်တွေဟာ မူရင်းအတိုင်း မဟုတ်ဘဲ ပြုပြင်တည်းဖြတ်ထားတဲ့ ပရီးမီးယားလိဂ်ပွဲစဉ်တွေကိုသာ ကြည့်ရှုခွင့် ရရှိတော့မှာလည်းဖြစ်ပါတယ်။

လီဗာပူးလ်အသင်းကို နောင်တရစေခဲ့သူ (သို့) လူးဝှစ် ဒီယက်ဇ်

ပြီးခဲ့တဲ့ နွေရာသီအပြောင်းအရွေ့မှာ လီဗာပူးလ်အသင်းကို ရောက်ရှိလာခဲ့တဲ့ ကစားသမားသစ်တွေဟာ သူတို့ရဲ့ စွမ်းဆောင်ရည်ကောင်းတွေကို ပြသဖို့အတွက် ရုန်ကန်နေကြရပါတယ်။ ဒီကစားသမားတွေထဲမှာဆိုရင် လီဗာပူးအသင်းဟာ ‌စျေးကြီးကြီးနဲ့ ပေးဝယ်ခဲ့ရတဲ့ အလက်ဇန္ဓား အီးဆက်နဲ့ ဖလောရီယံ ဝှစ်တို့အပါအဝင် မီလော့ ကားဂတ်နဲ့ ဖရင့်ပေါင်စတဲ့ ကစားသမားသစ် အားလုံးနီးပါးဟာ ခြေစွမ်းပြဖို့ ရုန်းကန်နေကြရတာပါ။ လီဗာပူးလ်အသင်းဟာ အပြောင်းအရွေ့မှာ ကစားသမားတွေအများအပြားဝယ်ယူခဲ့သလို အသင်းမှာ ကလော့လက်ထက်က အမာခံကစားသမားဖြစ်ခဲ့တဲ့ လူးဝှစ်ဒီယက်ကိုလည်း ဘိုင်ယန်မြူးနစ်အသင်းထံ ပေါင် ၇၅ သန်းနဲ့ ရောင်ထုတ်ပစ်ခဲ့ပါတယ်။ ဒါပေမယ့်လီဗာပူးလ်အသင်းဟာ ပြီးခဲ့တဲ့ရာသီမှာ ချန်ပီယံဖြစ်စေခဲ့ပြီး အသင်းရဲ့ အဓိကညာတောင်ပံမှာ လုပ်အားကောင်းကောင်းနဲ့ ကစားနိုင်ခဲ့တဲ့ ဒီယက်ကို ကျန်တဲ့ကစားသမားတွေနဲ့ အစားထိုးမယ်ဆိုတဲ့ စိတ်ကူးနဲ့ရောင်ထုတ်ခဲ့မိတာဟာ အခုချိန်မှာတော့ သေချာပေါက်နောင်တကြီးကြီး ရနေလောက်ပြီလည်း ဖြစ်ပါတယ်။ ဘာဖြစ်လို့လည်းဆိုတော့ လူးဝှစ်ဒီယက်ရဲ့ နေရာမှာ ကစားခဲ့တဲ့ ကိုဒီဂတ်ပိုအပါအဝင် ဖလော်ရီယန် ဝါ့ဇ် နှင့် ဟူဂိုအီကီတီကီတို့ဟာ နည်းပြ အာနေး ဆလော့တ် (Arne Slot)ရဲ့ နည်းစနစ်ထဲကို အံဝင်ကျအောင်ကစားနိုင်ဖို့ ရုန်ကန်နေကြရပြီး အချိန်ယူပြီးအထိုင်ကျရန် လိုအပ်နေကြောင်း ရှင်းရှင်းလင်းလင်းပြသထားတာဖြစ်ပါတယ်။ တစ်ချိန်တည်းမှာပဲ ဘိုင်ယန်မြူးနစ် (Bayern Munich)ကို ပြောင်းရွှေ့သွားခဲ့တဲ့ လူးဝစ် ဒိုင်ယက်ဇ် ကတော့ ဂျာမန်မြေမှာ အထူးခြေစွမ်းတွေပြသနေပြီး ဖူးကပ်စ်ဆု (Puskás Award)အတွက် ပြိုင်ဘက်ဖြစ်လာမယ့် သွင်းဂိုးတွေအပါအဝင် သွင်းဂိုးအများအပြားကိုပါ သွင်းထားနိုင်တာတွေ့ရပါတယ်။ လူးဝစ် ဒိုင်ယက်ဇ်အနေနဲ့ ဘိုင်ယန်မြူးနစ်ကို ပြောင်းရွှေ့သွားခြင်းဟာ လီဗာပူးလ်အတွက်ကတော့ အလွန်ကြီးမားတဲ့ ဆုံးရှုံးမူ့တစ်ခုဖြစ်ပြီး၊ လီဗာပူးလ် ပရိသတ်တွေကတော့ အခုချိန်မှာ "လက်လွတ်ဆုံးရှုံးလိုက်ရလေခြင်း"ဆိုပြီး စဉ်းစားမေးခွန်းထုတ်စရာ ဖြစ်စေခဲ့ပါတယ်။

နေမာသာ ဘာစီလိုနာမှာ ဆက်နေရင် ဘလွန်းဒီအော်ဆု သေချာပေါက်ရမှာပါ

ဥရုဂွေးနဲ့ဘာစီလိုနာတိုက်စစ်မှူးဟောင်း လူးဝစ် ဆွာရက်ဇ် (Luis Suárez)ဟာ ၂၀၂၃ ခုနှစ် Placar TV (YT) နဲ့ အမေးအဖြေတစ်ခုမှာ အသင်းဖော်ဖြစ်တဲ့ နေမာအနေနဲ့ ဘာစီလိုနာအသင်းကနေ ထွက်ခွာခဲ့တာနဲ့ပက်သက်ပြီး စိတ်မကောင်းဖြစ်ရပုံနဲ့ အသင်းမပြောင်းဖို့ တိုက်တွန်းခဲ့ကြောင်း မှတ်ချက်ပေးခဲ့ဖူးပါတယ်။ ဆွာရက်ဇ်က နေမာအနေနဲ့ ပဲရစ်စိန့်ဂျာမိန်အသင်း(PSG)ကို မပြောင်းရွှေ့မီ သူနဲ့ လီယွန်နယ်မက်ဆီ (Lionel Messi) တို့ နှစ်ဦးစလုံးဟာ နေမာကို ဘယ်လိုဖျောင့်ဖြ တိုက်တွန်းခဲ့ပုံကို ယခုလို ဖွင့်ဟခဲ့ဖူးပါတယ်။ "နေ (Neymar)၊ မင်း အရာရာကို အနိုင်ယူချင်ရင်၊ ငါတို့နဲ့ ဒီမှာ ဆက်နေပါ။ ဒါမှမဟုတ် အင်္ဂလန်က မန်ချက်စတာ စီးတီး (Manchester City) ကို ပြောင်းသွားပါ။ အဲဒီမှာ ဘောလုံးကအရာရာ ပိုကောင်းတယ် သူသာ ဘာစီလိုနာမှာ ဆက်နေခဲ့ရင်၊ ဘလွန်းဒီအော် (Ballon d’Or) ဆုကို သေချာပေါက်ရရှိမှာ ဖြစ်ပါတယ်" ဆိုပြီး ပြန်ပြောပြခဲ့ပါတယ်။ 💔 မဖြစ်မြောက်ခဲ့တဲ့ နေမာရဲ့ အိပ်မက် ဆွာရက်ဇ်ရဲ့ မှတ်ချက်တွေဟာ 'ဘာတွေ ဖြစ်သွားနိုင်ခဲ့မလဲ' (What could have been) ဆိုတဲ့ စဉ်းစားစရာမေးခွန်းကို ဖြစ်ပေါ်စေခဲ့ပါတယ်။ နေမာဟာ ဘာစီလိုနာမှာတောက်ပခဲ့ပြီး 2017ခုနှစ်မှာ ဘလွန်ဒီအော ဆုပေးပွဲမှာ ရော်နယ်ဒိုနဲ့ မက်ဆီတို့ရဲ့နောက် တတိယနဲ့သာ ကျေနပ်ခဲ့ရတာပါ။ အဲ့ဒီနောက်PSG အသင်းကိုရောက်ရှိသွားချိန်မှာတော့ နေမာဟာ ပြည်တွင်းဖလားတွေသာ ရရှိခဲ့ပေမယ့်လည်း သူလိုချင်ခဲ့တဲ့ ဥရောပချန်ပီယံလိဂ်ဖလားနှင့်ဘလွန်းဒီအော်ဆုတွေကိုတော့ ရယူနိုင်ခဲ့ခြင်း မရှိခဲ့တာဖြစ်ပါတယ်။ ဘာစီလိုနာအသင်းမှာ မက်ဆီ၊ ဆွာရက်ဇ်နှင့် နေမာ တို့ ပါဝင်ခဲ့တဲ့ MSN တိုက်စစ်အတွဲဟာလည်း ဘောလုံးသမိုင်းတစ်လျှောက် အကြောက်ရဆုံး တိုက်စစ်သုံးဦး ဖြစ်ခဲ့ပြီး၊ တကယ်လိုသာ ဒီသုံးဦးဆက်လက် ကစားခဲ့မယ်ဆိုရင် ဘောလုံးလောကရဲ့ သမိုင်းကြောင်းဟာလည်း လုံးဝကွဲပြားခြားနားသွားနိုင်ဖွယ် ရှိနေတာလည်းဖြစ်ပါတယ်။ PSG အသင်းကို ပြောင်းသွားခဲ့တဲ့ နေမာရဲ့ ကစားသမားဘဝဟာ တကယ်ပဲ တစ်ဆင့်နိမ့်စေခဲ့ပြီး ဥရောပအောင်မြင်မှု့အနေနဲ့ ဘာဆုဖလားတစ်လုံးမှ မရခဲ့ဘဲ တစ်ဦးချင်းအောင်မြင်မှု့တွေပါ ဆုံးရှုံးသွားခဲ့ရတာဖြစ်ပါတယ်။ နောက်တချက်အနေနဲ့ နေမာဟာ PSG မှာ ဒဏ်ရာတွေ မကြာခနရနေခဲ့ပြီး ကစားသမားဘဝကို အနိမ်းဆုံးရောက်အောင် တွန်းပို့လိုက်သလိုဖြစ်ခဲ့ ရပါတယ်။ ဒါကြောင့် ဘောလုံးလောကမှာ ကစားသမားတစ်ယောက်ရဲ့ ကံကြမ္မာနဲ့ အနာဂတ်လမ်းကြောင်းဟာ ဘယ်အချိန်၊ ဘယ်နေရာမှာ ဘယ်လိုပြောင်းလဲသွားမလဲဆိုတာ ဘယ်သူကမှ မပြောနိုင်တာဖြစ်ပါတယ်။

ရွှေဂိုး (Golden Goal) စည်းမျဉ်း ဘာကြောင့် ရပ်တန့် ပျောက်ကွယ်သွားရသလဲ?

ပြီးခဲ့တဲ့ ဥရောပချန်ပီယံရှစ်ပြိုင်ပွဲ (Euro 2024) မှ ကွာတားဖိုင်နယ်ပွဲစဉ် လေးပွဲကို ကြည့်ရှုပြီးနောက် ပွဲစဉ်တွေရဲ့ အခြေအနေဟာ အထူးအဆန်း ဖြစ်နေသည်ကို သတိထားမိခဲ့ပါတယ်။ ⏱️ အချိန်ပိုပွဲစဉ်များရဲ့ ငြီးငွေ့ဖွယ် အခြေအနေ ကွာတားဖိုင်နယ် သုံးပွဲအနက် သုံးပွဲလုံးက အချိန်ပို (Extra Time) အထိ ရောက်ရှိခဲ့ကြပါတယ်။ ထိုသုံးပွဲအနက် နှစ်ပွဲမှာ ပင်နယ်တီအဆုံးအဖြတ်အထိ သွားခဲ့ရပြီး၊ စပိန်နှင့် ဂျာမနီပွဲစဉ်၏ ၁၁၉ မိနစ် တွင် မီကဲလ် မေရီနို (Mikel Merino) ၏ အံ့မခန်း ခေါင်းတိုက်ဂိုးကြောင့်သာ သုံးပွဲလုံး ပင်နယ်တီ မဖြစ်ခဲ့ခြင်း ဖြစ်သည်။ အမှန်စင်စစ်၊ စပိန်၏ နောက်ဆုံး တစ်မိနစ်အလို အနိုင်ဂိုးမှလွဲ၍ ကွာတားဖိုင်နယ် အချိန်ပိုများတွင် လုံးဝ ဂိုးမသွင်းနိုင်ခဲ့ ကြပေ။ အင်္ဂလန်၏ နည်းဗျူဟာ: အဆိုးရွားဆုံးမှာ ဂါရတ် ဆောက်ဂိတ် (Gareth Southgate) ဦးဆောင်သည့် အင်္ဂလန် ဖြစ်ပြီး၊ ၈၀ မိနစ်တွင် ချေပဂိုး သွင်းပြီးသည်နှင့် ပင်နယ်တီကိုသာ ကစားရန် ဆုံးဖြတ်ထား ကြပုံ ရသည်။ ၎င်းတို့သည် အချိန်ပိုတွင် တိုက်စစ်ဆင်ရန် လုံးဝနီးပါး ခွင့်မပြုခဲ့ပေ။ အင်္ဂလန်နှင့် ပြင်သစ်ကဲ့သို့ အသင်းများက အချိန်ပိုတွင် နိုင်ပွဲရရန် ကြိုးစားခြင်းမရှိဘဲ ပင်နယ်တီကိုသာ မျှော်လင့်နေပုံရသောကြောင့်၊ ရွှေဂိုး (Golden Goal) စည်းမျဉ်းသည် ဘာကြောင့် ရပ်တန့်သွားရသနည်းဟု စဉ်းစားမိကာ အွန်လိုင်းမှ ပြန်လည် ရှာဖွေခဲ့မိပါသည်။ 📜 ရွှေဂိုး စည်းမျဉ်းရဲ့ သမိုင်းကြောင်းနှင့် ရည်ရွယ်ချက် အစောဆုံး အသုံးပြုမှု(၁၈၆၇ ခုနှစ်) Youdan Cup (၁၈၆၇): အင်္ဂလိပ်ဘောလုံးလောကတွင် ရွှေဂိုးစည်းမျဉ်းကို ပထမဆုံးအကြိမ် အသုံးပြုခဲ့သည်မှာ လွန်ခဲ့သော နှစ်ပေါင်း ၁၅၀ ကျော်က ဖြစ်သည်။ စည်းမျဉ်း: ၁၈၆၇ ခုနှစ် Youdan Cup (FA Cup မပေါ်မီ ၄ နှစ်) တွင် ပွဲချိန် မိနစ် ၉၀ ၌ သရေဖြစ်ပါက နောက်ထပ် နာရီဝက် (တစ်နာရီ) အချိန်ပို ကစားရမည်။ ထိုအချိန်အတွင်း မည်သည့်အသင်းကမဆို ဂိုးသွင်းလျှင် ပွဲချက်ချင်းပြီးဆုံးပြီး အနိုင်ရမည်။ ပထမဆုံး ရွှေဂိုး: ၁၈၆၇ ခုနှစ် ဖေဖော်ဝါရီ ၂၃ ရက်နေ့တွင် Norfolk FC နှင့် Broomhall FC တို့ ပွဲကစားခဲ့ရာ အချိန်ပို ၂ မိနစ် အကြာတွင် Norfolk FC က ဂိုးသွင်းပြီး အနိုင်ရခဲ့သည်။ ဖီဖာမှ ပြန်လည်မိတ်ဆက်ခြင်း (၁၉၉၃ ခုနှစ်) ရည်ရွယ်ချက်: ၁၉၉၃ ခုနှစ်တွင် ဖီဖာ (FIFA) သည် အချိန်ပိုအတွင်း အသင်းများက တိုက်စစ် မဆင်ဘဲ ပင်နယ်တီအထိသာ စောင့်ဆိုင်းကစားနေခြင်းကို လျှော့ချရန်အတွက် ရွှေဂိုး စည်းမျဉ်းကို ပြန်လည် မိတ်ဆက်ခဲ့သည်။ စည်းမျဉ်း: အချိန်ပိုအတွင်း မည်သည့်အသင်းကမဆို ပထမဆုံး ဂိုးသွင်းယူနိုင်ပါက ၎င်းအသင်း ချက်ချင်း အနိုင်ရကာ ပွဲပြီးဆုံးမည် ဖြစ်သည်။ ပထမဆုံး အဓိကပြိုင်ပွဲ: ၁၉၉၆ ခုနှစ် ယူရိုပြိုင်ပွဲ (Euro '96) တွင် စတင် အသုံးပြုခဲ့သည်။ ဝင်ဘလေကွင်း (Wembley) ၌ ကျင်းပသည့် ဗိုလ်လုပွဲတွင် ဂျာမနီအသင်းသည် အချိန်ပို ၅ မိနစ်အကြာတွင် အိုလီဗာ ဘီယားဟော့ဖ် (Oliver Bierhoff) ၏ ရွှေဂိုးဖြင့် ချက်ရီပက်ဘလစ်ကို ချက်ချင်း အနိုင်ယူကာ ချန်ပီယံ ဖြစ်ခဲ့သည်။ ရွှေဂိုးစည်းမျဥ်းကို ၁၉၉၈ ကမ္ဘာ့ဖလား တွင်လည်း အသုံးပြုခဲ့သည်။ ၂၀၀၀ ယူရိုဗိုလ်လုပွဲ တွင် ပြင်သစ်အသင်းသည် အီတလီကို ဒေးဗစ် ထရီဇီဂေး (David Trezeguet) ၏ ရွှေဂိုးဖြင့် အနိုင်ရခဲ့သည်။ ❌ ရွှေဂိုး ရပ်တန့်သွားရသည့် အကြောင်းရင်း ရွှေဂိုးစည်းမျဉ်းသည် ၁၉၉၆ နှင့် ၂၀၀၀ ခုနှစ် ယူရိုဗိုလ်လုပွဲများကဲ့သို့ စိတ်လှုပ်ရှားဖွယ်ရာ အဆုံးသတ်များ ပေးခဲ့သော်လည်း၊ ၎င်းကို အသုံးပြုခဲ့သည့် နောက်ဆုံး ယူရိုဗိုလ်လုပွဲ မှာ ၂၀၀၀ ပြည့်နှစ် ဖြစ်ပြီး၊ ၂၀၀၂ ကမ္ဘာ့ဖလား သည် ဤစည်းမျဉ်းကို အသုံးပြုသည့် နောက်ဆုံး အဓိက ပြိုင်ပွဲ ဖြစ်ခဲ့သည်။ ဆန့်ကျင်ဘက် ရလဒ် ထွက်ပေါ်လာခြင်း ရွှေဂိုးကို တိုက်စစ်ဆင်မှုကို အားပေးရန် ပြန်လည် မိတ်ဆက်ခဲ့သော်လည်း၊ လက်တွေ့တွင် ဆန့်ကျင်ဘက် အကျိုးသက်ရောက်မှု (opposite effect) သာ ဖြစ်ပေါ်ခဲ့သည်ကို တွေ့ရှိခဲ့ရသည်။ ပိုမို ကစားရဲခြင်းမရှိ: အသင်းများသည် ရွှေဂိုး ပေးလိုက်ရမည်ကို အလွန်အမင်း စိုးရိမ်ခဲ့ ကြသည်။ ခံစစ်ကို ပိုမိုကစားလာခြင်း : တန်ပြန်တိုက်စစ်ကြောင့် ရှုံးနိမ့်ရမည်ကို ကြောက်သောကြောင့် တိုက်စစ်ဆင်ကစားခြင်းကို ရှောင်ကြဉ်ပြီး ပို၍ပင် ခံစစ် ကစားလာ ကြသည်။ ကြောက်ရွံ့မှု ကြီးစိုးခြင်း: ဂိုးသွင်းယူနိုင်ရန် မျှော်လင့်ချက်ထက်၊ ဂိုးပေးလိုက်ရမည်ကို ကြောက်ရွံ့ခြင်း က ပိုမို ကြီးစိုးလာခဲ့သည်။ ဒီလိုအကြောင်းကြောင့် ဖီဖာသည် ၂၀၀၄ ခုနှစ်တွင် ရွှေဂိုးစည်းမျဉ်းကို ရပ်ဆိုင်းခဲ့ပြီး၊ ထိုအစား ငွေဂိုး (Silver Goal) စည်းမျဉ်းကို ခဏတာ အသုံးပြုခဲ့သော်လည်း ၎င်းကိုလည်း ၂၀၀၄ ယူရိုပြိုင်ပွဲအပြီးတွင် ဖျက်သိမ်းခဲ့ကာ ပုံမှန် ၁၅ မိနစ် နှစ်ပိုင်းပါဝင်သော အချိန်ပို စည်းမျဉ်းကိုသာ ပြန်လည် အသုံးပြုခဲ့သည်။ 💡 အခြား စိတ်ဝင်စားဖွယ် ဖြေရှင်းနည်းများ လက်ရှိ ပင်နယ်တီဖြင့် အဆုံးသတ်ရခြင်းသည် မကျေနပ်စရာ ကောင်းသော်လည်း၊ အခြား စိတ်ကူးများလည်း ထွက်ပေါ်ခဲ့ဖူးသည်- ကစားသမား လျှော့ချသည့် စည်းမျဉ်း: အချိန်ပိုတွင် ၁၀ မိနစ်တိုင်း ကစားသမား တစ်ဦးစီ ထုတ် ပစ်ကာ ၁၀ vs ၁၀၊ ၉ vs ၉၊ ၈ vs ၈ စသည်ဖြင့် ကစားသမား အရေအတွက် လျှော့ချပြီး အနိုင်ဂိုးရသည်အထိ ကစားစေခြင်း ဖြစ်သည်။ ရပ်တန့်ရခြင်း: ဤစိတ်ကူးသည် ကစားသမားများ သုံးနာရီကြာ ကစားပြီးနောက် ၄ vs ၄ ကစားရခြင်းသည် ကျန်းမာရေးနှင့် ဘေးကင်းရေးအရ အန္တရာယ်များလွန်းသည် (Health and Safety) ဟု ယူဆသောကြောင့် လက်ခံခဲ့ခြင်း မရှိပေ။ မည်သို့ပင်ဆိုစေကာမူ ရွှေဂိုး စည်းမျဉ်းသည် ပြိုင်ပွဲများကို ပိုမို ငြီးငွေ့ဖွယ် ဖြစ်စေခဲ့သည်ဟူသော တွေ့ရှိချက်ကြောင့် ကမ္ဘာ့အဓိကပြိုင်ပွဲကြီးများမှ လုံးဝ ပျောက်ကွယ်သွားခဲ့ရခြင်း ဖြစ်ပါသည်။