ဦးနှောက်ဒဏ်ရာနဲ့ ကွယ်လွန်ခဲ့ရတဲ့ အာဆင်နယ်လူငယ်ကြယ်ပွင့်ဟောင်း 🥺

အာဆင်နယ်အသင်းရဲ့ လူငယ်တိုက်စစ်မှူးဟောင်း ဘီလီ ဗီဂါ (Billy Vigar) ဟာ အသက် ၂၁ နှစ်အရွယ်မှာ ကွယ်လွန်သွားပြီဖြစ်ကြောင်း ဝမ်းနည်းစွာ သတင်းရရှိပါတယ်။ ဗီဂါဟာ သူ့ရဲ့ကလပ်အသင်းဖြစ်တဲ့ ချီချက်စတာ စီးတီး (Chichester City) အတွက် ကစားနေစဉ်မှာ ပြင်းထန်တဲ့ ဦးနှောက်ဒဏ်ရာ (significant brain injury) ရရှိခဲ့ပြီးနောက် ကွယ်လွန်သွားခဲ့တာ ဖြစ်ပါတယ်။ ဒီဖြစ်ရပ်ဟာ Wingate & Finchley အသင်းနဲ့ ကစားနေတဲ့ပွဲစဉ်မှာ ဖြစ်ပွားခဲ့တာဖြစ်ပြီး၊ ပွဲကိုလည်း ရပ်ဆိုင်းခဲ့ရပါတယ်။ အာဆင်နယ်အသင်းမှာ လူငယ်ကစားသမားဘဝကို ဖြတ်သန်းခဲ့တဲ့ ဗီဂါဟာ ငယ်ရွယ်တဲ့ အနာဂတ်အလားအလာကောင်းသူ တစ်ဦးဖြစ်ပါတယ်။ဘီလီ ဗီဂါရဲ့ ဝမ်းနည်းဖွယ် ကွယ်လွန်မှုအတွက် ဘောလုံးလောကတစ်ခုလုံးက အထူးတလည် ဝမ်းနည်းကြေကွဲနေကြပါတယ်။ (RIP to this Young Man) ..😢