မယုံနိုင်စရာ ချန်ပီယံလိပ် မှတ်တမ်းအသစ်နဲ့အတူ Erling Haaland

အာလင် ဟာလန်း (Erling Haaland) ဟာ ကမ္ဘာ့ဘောလုံးလောကကို အံ့အားသင့်စေမယ့် မှတ်တမ်းအသစ်တစ်ခုကို ထပ်မံ ရယူလိုက်ပြန်ပါပြီ။ အသက်ငယ်ရွယ်သေးတဲ့ နော်ဝေသား တိုက်စစ်မှူးဟာ ချန်ပီယံလိဂ် (UCL) မှာ ၅၀ ဂိုး ပြည့်မြောက်အောင်မြင်ဖိုအတွက် ၄၉ ပွဲ သာ ကစားခဲ့ရပြီး ဘောလုံးသမိုင်းမှာ အမြန်ဆုံး ဂိုး ၅၀ သွင်းယူနိုင်သူအဖြစ် မှတ်တမ်းတင်နိုင်ခဲ့ပါတယ်။ ဟာလန်း ဟာ ချန်ပီယံလိဂ် သမိုင်းတစ်လျှောက် ဂိုး ၅၀ ပြည့်မြောက်အောင်မြင်ခဲ့တဲ့ ကစားသမား ၁၀ ယောက်မြောက်အဖြစ် ရပ်တည်လာခဲ့ပါတယ်။ အဲဒီထဲမှာမှ သူရဲ့ အကောင်းဆုံး မှတ်တမ်းကတော့ တစ်ပွဲ ဂိုးသွင်းနှုန်း (goals-per-game ratio) ပဲဖြစ်ပါတယ်။ ဟာလန်း ရဲ့ ဂိုးသွင်းနှုန်းဟာ ၁.၀၂ ဖြစ်ပြီး ကျန်တဲ့ ကစားသမားတွေရဲ့ ဂိုးသွင်းနှုန်းတွေထက် အပြတ်အသတ် သာလွန်နေပါတယ်။ ဟာလန်း ရဲ့ ဂိုးသွင်းနှုန်းဟာ ဂန္တဝင်ကစားသမားတွေဖြစ်တဲ့ လီယွန်နယ် မက်ဆီ (Lionel Messi)၊ ရော်ဘတ် လေဝမ်ဒေါစကီး (Robert Lewandowski) နဲ့ ခရစ္စတီယာနို ရော်နယ်ဒို (Cristiano Ronaldo) တိုရဲ့ ဂိုးသွင်းနှုန်းတွေထက် အများကြီး ပိုများနေတာကို အောက်မှာ ကြည့်နိုင်ပါတယ်။ • အာလင် ဟာလန်း: တစ်ပွဲ ၁.၀၂ ဂိုးနှုန်း • လီယွန်နယ် မက်ဆီ: တစ်ပွဲ ၀.၇၉ ဂိုးနှုန်း • ရော်ဘတ် လေဝမ်ဒေါစကီး: တစ်ပွဲ ၀.၇၉ ဂိုးနှုန်း • ခရစ္စတီယာနို ရော်နယ်ဒို: တစ်ပွဲ ၀.၇၇ ဂိုးနှုန်း • ရွဒ် ဗန် နစ္စတဲရွိင်း: တစ်ပွဲ ၀.၇၇ ဂိုးနှုန်း • ကီလီယန် အမ်ဘာပေ: တစ်ပွဲ ၀.၆၅ ဂိုးနှုန်း • ကာရင် ဘန်ဇီမာ: တစ်ပွဲ ၀.၅၉ ဂိုးနှုန်း • ရာအူးလ်: တစ်ပွဲ ၀.၅၀ ဂိုးနှုန်း • တီရီ အွန်နရီ: တစ်ပွဲ ၀.၄၅ ဂိုးနှုန်း • သောမတ်စ် မြူလာ: တစ်ပွဲ ၀.၃၅ ဂိုးနှုန်း ဟာလန်း ရဲ့ ဒီလို ထူးခြားတဲ့ စွမ်းဆောင်ရည်ဟာ သူ့ရဲ့ ဂိုးသွင်းဗီဇ၊ ကစားပုံနဲ့ ရုပ်ပိုင်းဆိုင်ရာ ကြံ့ခိုင်မှုတိုရဲ့ ရလဒ်ဖြစ်ပါတယ်။ အသက်အရွယ်ငယ်သေးပြီး ကစားသမားဘဝရဲ့ အထွတ်အထိပ်ကာလကို မရောက်သေးပေမယ့် ဒီလို မှတ်တမ်းတွေ တင်နိုင်ခဲ့တာဟာ သူဟာ ဘောလုံးလောကရဲ့ မျိုးဆက်တစ်ခုမှာ တစ်ဦးတည်းသော ကစားသမားဖြစ်ကြောင်း သက်သေပြနေပါတယ်။ ဟာလန်း ဟာ ဒီလိုစံချိန်တွေကို ဆက်ပြီး ချိုးဖျက်သွားမှာဖြစ်ပြီး ဘောလုံးပရိသတ်တွေကို အံ့အားသင့်အောင် ဆက်လက်လုပ်ဆောင်သွားဦးမှာ သေချာပါတယ်။