နော်တင်ဟမ်အသင်းကိုပြောင်းဖို့သဘောတူညီမှုရခဲ့တဲ့ James McAtee
သတင်းရေးသူ Kaung Myat•(ဩဂုတ် ၁၅၊ ၂၀၂၅၊ မနက် ၃ နာရီ ၃၂ မိနစ်)သတင်း
James McAtee နော့တင်ဟမ်ဖောရက်စ်အသင်းကို ပြောင်းရွှေ့မယ့် သဘောတူညီမှု ရရှိခဲ့ပြီဖြစ်ပါတယ်။ ဒီသီတင်းပတ်အစောပိုင်းမှာ ဖော်ပြခဲ့သလိုပဲ ကွင်းလယ်ကစားသမားဟာ နော့တင်ဟမ်ဖောရက်စ်အသင်းကို ပြောင်းရွှေ့ဖို့ သဘောတူညီခဲ့ပါတယ်။ ကနဦးပြောင်းရွှေ့ကြေး ပေါင် ၂၂ သန်းဖြစ်ပြီး အပိုဆုကြေးတွေ၊ အသင်းဟောင်းကို ပြန်ရောင်းချမယ်ဆိုရင် ရရှိမယ့် အခွင့်အရေးအပြင် ပြန်လည်ဝယ်ယူခွင့် အပါအဝင် ပြောင်းရွှေ့ကြေးစုစုပေါင်းဟာ ပေါင် ၃၀ သန်းအထိ ရှိလာနိုင်ပါတယ်။ McAtee အတွက် ဆေးစစ်မှု ပြုလုပ်ဖို့ စီစဉ်ထားပြီး ဖြစ်ပါတယ်။