ယူနိုက်တက်နဲ့သုံးနှစ်စာချုပ်ချုပ်ဆိုလိုက်တဲ့ Coca Cola

ကမ္ဘာကျော် ဘောလုံးအသင်း မန်ချက်စတာယူနိုက်တက်သည် ကမ္ဘာ့ထိပ်တန်း အချိုရည်ကုမ္ပဏီ ကိုကာကိုလာနှင့် သုံးနှစ်တာ စပွန်ဆာစာချုပ်သစ် ချုပ်ဆိုလိုက်ကြောင်း ယမန်နေ့က တရားဝင် ကြေညာခဲ့သည်။ ဤသဘောတူညီချက်အရ ကိုကာကိုလာသည် ယူနိုက်တက်ကင်းဒမ်းနှင့် ဥရောပတစ်လွှားတွင် မန်ချက်စတာယူနိုက်တက်၏ တရားဝင် ကာဗွန်နိတ်အချိုရည်မိတ်ဖက် ဖြစ်လာမည်ဖြစ်သည်။ ပူးပေါင်းဆောင်ရွက်မှု၏ တစ်စိတ်တစ်ပိုင်းအနေဖြင့် Old Trafford အားကစားကွင်းတွင် ကိုကာကိုလာ၏ အမှတ်တံဆိပ်မျိုးစုံကို ရောင်းချခွင့် ရရှိမည်ဖြစ်သည်။ အဆိုပါ စာချုပ်သည် ကမ္ဘာလုံးဆိုင်ရာ အမှတ်တံဆိပ်ကြီးနှစ်ခု၏ ပူးပေါင်းမှုဖြစ်ပြီး ပရိသတ်များအတွက် အထူးအစီအစဉ်များနှင့် ဒစ်ဂျစ်တယ် content များမှတစ်ဆင့် ဆန်းသစ်သော အတွေ့အကြုံများကို ယူဆောင်လာရန် ရည်ရွယ်ကြောင်း နှစ်ဘက်စလုံးမှ ထုတ်ပြန်ခဲ့သည်။