နည်းပြဘဝနဲ့ မကြာခင်ပြန်လာတော့မယ်ဆိုပြီး ထပ်မံပြောကြာလိုက်တဲ့ ဇီနဒင်း ဇီဒန်း

ရီးယဲလ်မက်ဒရစ်အသင်းရဲ့ နည်းပြဟောင်းနဲ့ ပြင်သစ်ဂန္တဝင် ကွင်းလယ်လူ ဇီနဒင်း ဇီဒန်း (Zinedine Zidane)ကတော့ ဘောလုံးလောကထဲကို နည်းပြအဖြစ် ပြန်လည်ရောက်ရှိလာတော့မှာဖြစ်ကြောင်း ထပ်မံ ပြောကြားလိုက်ပြန်ပါတယ်။ နည်းပြသစ်အဖြစ် အသင်းတစ်သင်းကို ကိုင်တွယ်ဖို့ရှိမရှိ မေးမြန်းတဲ့အခါမှာတော့ ဘယ်အသင်းကို ကိုင်တွယ်သွားမယ်ဆိုတာတော့ တိတိကျကျမဟုတ်ဘဲ စိတ်လှုပ်ရှားဖွယ်ရာ အဖြေတစ်ခုကို ပေးခဲ့တာဖြစ်ပါတယ်။ "ဒါဟာ မကြာခင်(အရမ်းမကြာခင်) ဖြစ်လာပါလိမ့်မယ်" ဆိုပြီး ဝန်ခံသွားတော့ခဲ့တာပါ။ ဇီနဒင်း ဇီဒန်းဟာ ရီးယဲလ်မက်ဒရစ်အသင်းကနေ ထွက်ခွာခဲ့ပြီးနောက်ပိုင်း အနားယူနေခဲ့တာ ကြာမြင့်ခဲ့ပြီဖြစ်ပြီး သူ့ရဲ့ ဒီလိုပြောကြားချက်အရ သူဟာ ပြင်သစ်လက်ရွေးစင်အသင်း ဒါမှမဟုတ် အခြား ထိပ်တန်းကလပ်တစ်သင်းကို ပြန်လည်ကိုင်တွယ်သွားမယ်ဆိုတဲ့ ကောလာဟလသတင်းတွေကို ပိုပြီးအရှိန်မြှင့်တင်ပေးလိုက်တာဖြစ်ပါတယ်။